"თანასწორობის მოძრაობამ" 2020 წელს პილოტურად შექმნა პლატფორმა Selftest.ge რის შედეგადაც, აივზე თვითტესტირებისა და აივ პრევენციული პაკეტების მიღების შესაძლებლობა მაღალი რისკის მქონე პოპულაციურ ჯგუფებს უკვე დისტანციურად, ცენტრში მისვლის გარეშე შეუძლიათ. ვებ-გვერდის მეშვეობით აივ ინფექციაზე ანონიმური, სწრაფი და უფასო ტესტირება საქართველოს ყველა რეგიონშია შესაძლებელი.
ჩვენი მიზანია აივ ინფექციის თვითტესტირებისა და პრევენციული პაკეტების მიღების შესაძლებლობის გაფართოება და სერვისის მიწოდების უზრუნველყოფა, საბოლოოდ კი აივ/შიდსის ეპიდემიის დასრულება. პლატფორმა შექმნილია "თანასწორობის მოძრაობის" მიერ. პროექტი ხორციელდება დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC) „გლობალური ფონდის“ ეროვნული პროგრამის ფარგლებში.
