ქვეყანაში B ჰეპატიტის ელიმინაციის პროგრამა დაიწყო

ქვეყანაში B ჰეპატიტის ელიმინაციის პროგრამა დაიწყო.

პროგრამის ფარგლებში საქართველოს ნებისმიერ მოქალაქეს შეუძლია უფასოდ ჩაიტაროს B ჰეპატიტზე სკრინინგი.

იმ პირებს, ვისაც აქვს ქრონიკული B ჰეპატიტი (ანუ მინიმუმ 6 თვიანი შუალედით ორჯერ აქვთ დადასტურებული ინფექცია სისხლში HBsAg და/ან B ჰეპატიტის დნმ არსებობით), უფასოდ ჩაუტარდებათ ღვიძლის ელასტოგრაფია (ფიბროსკანი) და მუცლის ღრუს ექოსკოპია.

პროგრამის პირველ ეტაპზე იმ პაციენტებს, ვისთანაც გამოვლინდება ღვიძლის დაზიანების ხარისხი >=F2-ზე, ჩაუტარდებათ სრული ლაბორატორიული დიაგნოსტიკა.

პაციენტებს, ვინც საჭიროებს B ჰეპატიტის ანტივირუსულ მკურნალობას, სექტემბრიდან შეეძლებათ იმკურნალონ სახელმწიფო პროგრამის ფარგლებში.

B ჰეპატიტი ღვიძლის დაზიანებით მიმდინარე ინფექციური დაავადებაა, რომელიც გამოწვეულია B ჰეპატიტის ვირუსით (HBV). მას შეუძლია გამოიწვიოს როგორც მწვავე, ასევე ქრონიკული ინფექცია რაც ზრდის ციროზისა და ღვიძლის კიბოს რისკს.

PrEP/არვ პროგრამაში ჩართულ პირებს, შეუძლიათ უფასოდ ჩაიტარონ B ჰეპატიტის საწინააღმდეგო ვაქცინაცია.